Азнакайлылар нәсел шәҗәрләрен барлады
Азнакайда “Тарихта без эзлебез” шәҗәрәләр фестиваленең муниципаль этабы узды.
Ул архив эше буенча ТР Дәүләт комитеты тарафыннан җирле хакимият белән берлектә оештырыла.
Кунакларны һәм катнашучыларны район башкарма комитеты җитәкчесенең социаль мәсьәләләр буенча урынбасары Дамир Гыйләҗев саләмләде.
– Әлеге юнәлештә Азнакайда күптәннән эзлекле эш бара. Районыбыз һәм авыллар тарихына багышланган өч дистәдән артык китап нәшер ителде. Бу чара Милли мәдәниятләр һәм гореф-гадәтләр елында аеруча әһәмиятле, – дип билгеләп узды ул.
Бәйгедә районнан 6 гаилә катнашты. Конкурсантлар жюрига үзләре яртып пешерә торган милли аш-суларын, аннан концерт номерлары белән, милли киемнәрдә нәсел шаҗәрәләрен тәкъдим иттеләр.
Конкурстатлар чыгышын ТР Дәүләт архивы директоры Бәхтияр Фәхретдинов җитәкчелегендәге жюри бәяләде.
– Фестиваль буыннан-буынга килә торган традицияләрне, буыннар арасындагы бәйләнешне саклауга, гаиләләрне ныгытуга юнәлдерелгән. 29 мартка кадәр районнарда аның муниципаль этаплары бара. Анда беренче урынны яулаучылар 4-12 апрельдә узачак зона турларына чыга. Аннан соң җиңүчеләрне республика күләмендә бәйге көтә, – дип Бәхтияр Фәхретдинов җылы кабул итүләре өчен азнакайлыларга рәхмәтен җиткерде һәм уңышлар теләде.
Беренче урынны – Латыйповлар, икенче урынны – Мозаффаровлар, өченче урынны Тазовлар гаиләләре яулады.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев