Президент баш тарткан депутат мандаты "Синтез" ватерпол командасының элеккеге уенчысы, 47 яшьлек Ирек Зиннуровка бирелә. Бу хакта ТАСС агентлыгы язып чыкты. Ә ТР авыл хуҗалыгы һәм азык-төлек министры Марат Әхмәтов баш тарткан мандат "Динамо" спорт клубының җиңел атлетика буенча тренеры Ольга Павловага бирелә.
Исегезгә төшерәбез: Рөстәм Миңнеханов кичә Марат Әхмәтовның министрлык вазыифасыннан китмәячәген җиткергән иде. "Марат Әхмәтов Татарстан республикасы хөкүмәтенең иң тәҗрибәле һәм абруйлы әгъзасы булып тора. Аның тәҗрибәсе һәм белеме республика өчен бик кирәк", - диде Президент.
Нет комментариев