Азнакайны Яңа ел бәйрәменә бизәү буенча халыкның тәкъдим-фикерләрен көтәбез

Яңа елны каршыларга да санаулы вакыт кына калып бара.

Аңа әзерлекне башлап җибәрү буенча Азнакай районы җитәкчелеге хезмәт коллективлары алдына конкрет бурычлар куйды. Сүз дә юк, торган җиребезне матурлап, бәйрәм рухы ясап, без иң беренче чиратта балаларны куандырабыз. 2017 елның илебездә Экология елы буларак игълан ителүе хакында да онытмыйк.

Кар сыннарында табигатькә мәдхияне, Кызыл китапка кертелгән җанвар-хайваннарны чагылдырып, җәмәгатьчелекне экология проблемаларына юнәлтү урынлы булыр.

Ишегалларын, парклар, чыршылар куелачак төп мәйданнарны бизәүдә халыкның да тәкъдим-фикерләрен җиткерүе сорала, аларны aznakay2017@mail.ru адресына юлларга кирәк.