Азнакайлылар, республикабызда “Көзге шәфкатьлелек атнасы – игелекләр эстафетасы” ирекле акция старт алды

5 сентябрьдән республикабызда "Көзге шәфкатьлелек атнасы - игелекләр эстафетасы" ирекле акция старт алды. Аның максаты - төрле милләт халыклары арасында дуслык, туганлык җепләрен ныгыту, шәфкатьлелек фондлары эшчәнлеген яктырту, сугыш һәм тыл ветераннарына һәртөрле ярдәм-кайгырту күрсәтү, мохтаҗлар өчен игелек ярминкәләре оештыру, гаилә кыйммәтләренә игътибарны арттыру, яшәгән урыннарыбызны төзекләндерү, агачлар утырту оештыру һәм башка шуның кебек тормышыбызның бар ягын да колачлаган шәфкатьле гамәлләр кылу. Бу акциядә республикабызның, районның һәр кешесе катнаша ала. Кылган игелекләребезне мәгълүмат чараларында, социаль сайтларда да чагылдырырга онытмыйк.