22 август-5 сентябрь чорында Роспотребнадзорның территориаль бүлеге һәм “Эпидемиология, гигиена үзәге”нең район филиалы халыкка консультация бирү көннәре үткәрә

Мәктәпләрдә укулар башланырга да санаулы көннәр генә калып бара. Августның бу көннәрендә әти-әниләр балаларга кирәк-яраклар юнәтү белән мәшгуль. Аларны ничек дөрес сайлап алырга? Мәктәп киемнәрен, уку әйберләренең сыйфатын, бала сәламәтлегенә куркынычсызлыгын ничек бәяли белергә? Әнә шул сораулар алдында калган әти-әниләргә ярдәм йөзеннән Роспотребнадзорның территориаль бүлеге һәм "Эпидемиология, гигиена үзәге"нең район филиалы 22 август-5 сентябрь чорында халыкка консультация бирү көннәре үткәрә. 9-30-83, 7-14-80, 7-32-42 "кайнар линия" телефоннарына 9.00-16.00 сәгатьләрдә (җомга көнне 15.45 сәгатькә кадәр) шалтыратсагыз (12.00-13.00 - төшке ял), белгечләр сезнең барлык сорауларга да җавап бирерләр.