Юл хәрәкәте кагыйдәләрен бозу турындагы хәбәрләр өчен казанлыларга миллион ярымнан артык сум түләгәннәр
Юл хәрәкәте кагыйдәләрен бозу турында «Халык инспекторы» кушымтасы аша хәбәр иткән казанлылар 2024 елның сентябреннән 2026 елның гыйнварына кадәр 1 миллион 602 мең сум акча алган.
Бу хакта ТР Юл хәрәкәте иминлеге буенча Хөкүмәт комиссиясе мәгълүматларына сылтама белән «Татар-информ» хәбәр итә.
Бу вакыт эчендә кулланучылар кушымта аша 24 меңнән артык хәбәр җибәргән. Хокук бозуларның аерым төрләрен теркәгән өчен бүләк алу мөмкинлеге кушымтада 2024 елның сентябрендә барлыкка килде. Хәзер кушымта хокук бозуларның 21 категориясе турында хәбәр итәргә мөмкинлек бирә, өстәвенә аларның җидесе — мәсәлән, җәяүлене үткәрмәгән, кызыл утка барган яки руль артында телефон кулланган өчен — акчалата бүләк алырга мөмкин. Моның өчен кулланучыга хокук бозуны турыдан-туры кушымтада төшерергә кирәк, ул үзе урынны һәм вакытны билгеләячәк, ә аннары гаризаны рәсмиләштерергә кирәк. Тикшерүдән соң материаллар ЮХИДИга җибәрелә, һәм әгәр инспектор хокук бозуны раслый икән, хәбәр җибәрүче түләү ала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев