Азнакайда атна ахырында суытачак
Азнакада бу атна ахырына һава торышының бозылуы көтелә – төнлә һава температурасы +1 градуска кадәр төшәчәк, кайбер урыннарда җепшек кар явачак.
Татарстанның Гидрометеорология үзәге шул турыда хәбәр итә.
Шимбә, 6 майда, бераз яңгыр көтелә, төнлә +7..+13 градус җылы була, көндез +20..+23 градуска кадәр җылыта.
Ә якшәмбе, 7 май көнне, температура фоны шактый төшә. Әйтик, төнге сәгатьләрдә һава температурасы +1..+4 градуска кадәр, ә көндез +8..+12 градус булачак.
Бу көнне аязучан болытлы һава көтелә, тизлеге секундка 10 метр булган көчле җил исәчәк. Вакыт-вакыт яңгырлы була, җепшек кар булуы да мөмкин.
Юлларда сак булуыгызны соралабыз!
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев