Дөнья чемпионы киңәшләре: сәламәтлекне һәм рухи күтәренкелекне ничек сакларга?

«Беренчедән, төгәл максат булуы мөһим. Ни өчен яшәвеңне аңлап, алга барсаң, күпкә җиңелрәк була. Мин спортны һәм җиңүләр яуларга яратам», - дип аңлата ул.

Әлеге ике сыйфат аны һәр көнне алга атларга рухландыра.

«Гади адымнардан башлагыз: үзегезгә мөмкин булганны гына эшләгез, йөкләнешне акрынлап арттырыгыз. Спортта биек үрләр яуларга омтылу мәҗбүри түгел, ә үз тормышыңда җиңүче булу – иң зур кыйммәт», - дип дәвам итә кунагыбыз.

Аның көне таң белән башлана. Ул иртәнге алтылар тирәсендә уяна һәм урын-җиреннән тормыйча, кул-аяк буыннарына гимнастика ясый башлый.

Иртәнге ашка хатыны һәрвакыт төрле һәм тәмле боткалар пешерә. Аннан «Чатыр тау арена» спорт залына шөгыльләнергә бара. Туксан минутлык кызу гына физик күнегүләр үзеңне формада тотарга ярдәм итә. Көн өй эшләре белән уза: бакча, өй мәшәкатьләре.

Кичке йөрү күңелгә рәхәтлек, тынычлык сала һәм көнне уңышлы гына тәмамларга булыша.

Маннуф ага фикеренчә, гаилә бәхете – бер-береңә ихтирамлы һәм игътибарлы булудан гыйбарәт. Ул интервьюларда хатыны белән танышу тарихын һәрвакыт җылылык һәм ярату белән сөйли. Әлбәттә, кайвакыт авырлыклар да килеп чыга, ләкин үзара аңлашу барлык киртәләрне җиңеп чыгарга көч бирә.

«Кайчак үз холкым белән көрәшергә туры килә – мин үҗәт кеше. Әмма нәкъ менә шушы сыйфатым спорттагы казанышларыма юл ачты», - ди ул үзе хакында.