Азнакайлылар кул көрәше буенча республика чемпионатыннан медальләр белән кайттылар

Ярышларда Татарстанның 15 район-шәһәреннән 486 спортчы катнашты. Алар арасында Азнакайның “Юбилейный” спорт мәктәбендә шөгыльләнүчеләр дә бар иде.

2010-2011 елгы яшүсмерләр арасында барган ярышларда Рәмис Зәкиев өченче урынга лаек булды.

2007-2009 елгы кызлар арасында Жасмина Гәрәйшина, Ләйсән Фәтхуллина, Нәфисә Мөхәммәдиева бронза медальләр алдылар.

Хатын-кызлар арасында Нәфисә Мөхәммәдиева икенче урынга лаек булды. Ләйсән Фәтхуллина, Айсылу Ихсанова – өченчедә.

Спортчыларның тренерлары – Раушания Мөхәммәтҗанова, Рәмис Кәримов.

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!