Азнакайлылар көрәш буенча Дөнья беренчелеге призерлары булдылар
Билбаулы көрәш буенча ярышлар Казан шәһәрендә 13-16 ноябрьдә узды.
Башкалабыз Казанда ир-егетләр һәм хатын-кызлар арасында билбаулы көрәш буенча Дөнья беренчелеге узды. Быел анда 25 илдән 150гә якын көрәшче чыгыш ясады. Алар арасында Россия җыелма командасы составында Азнакай спортчылары да бар иде.
Киеренке көрәштә бүгенге көндә Әлмәт физкультура техникумында белем алучы якташыбыз Рания Гардиева (48 килограмм авырлыкта), Идел буе физик культура, спорт һәм туризм университеты студентлары Риана Шәрәфетдинова (52 килограмм авырлыкта) һәм Илфат Миңнегалиев (57 килограмм авырлыкта) бронза медальләр яуладылар. Аннан алда Илфат Миңнегалиев шулай ук билбаулы көрәш буенча Дөнья чемпионатында ирекле стиль белән көрәштә өченче урынга лаек булган иде.
Спортчыларның тренерлары – үз эшләренең чын осталары Айрат Миңнегалиев, Зөлфия Гардиева.
Без спортчыларыбыз һәм аларның казанышлары белән горурланабыз! Аларга яңа җиңүләр һәм спортта уңышлар телибез!
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев