Азнакайда Зиннур Әбдрәшитов истәлегенә бокс буенча республика ярышлары узды

«Чатыр-Тау Арена» спорткомплексында якташыбыз, хөкемдар Зиннур Әдрәшитов истәлегенә узган  III Республикакүләм бокс турнирында Азнакай, Җәлил, Сарман, Нурлат, Баулы, Бөгелмә, Кама Аланы, Әлмәт, Лениногорск, Бакалы, Оренбург өлкәсенең Абдулино шәһәреннән 146 боксчы катнашты.

Азнакайдан үз үлчәүләрендә Гарипова Афина, Мөхәммәдиев Адель, Мансуров Радмир, Газизов Риназ, Гыймадиев Булат, Зәйнуллин Артур, Төхвәтшин Тимур, Йосыпов Альфар, Шәрипов Искәндәр, Байкин Самир, Хабибуллин Данир, Мардиев Марсель, Шәрапов Самат, Сөләйманов Әмирхан, Фәхретдинов Равил, Баязитов Ниязсолтан, Гыйззәтуллин Динар чемпион калдылар. Спортчылар Мурат Галиев, Равил Йосыпов кул астында шөгыльләнәләр. Марсель Мардиев шулай ук «Иң яхшы техника» номинациясендә дә бүләкләнде. 

Турнир җиңүчеләре һәм призерларына медаль һәм кубоклар белән бергә акчалата бүләкләр дә тапшырылды.