Сәпәй авылы ветераннары Азнакай музеенда кунакта
Азнакай музеенда төрле яшьтәге кунаклар өчен экскурсияләр, әдәби очрашулар, кызыклы лекцияләр, балаларга мастер-класслар һәм башка бик күп чаралар һәрдаим үткәрелеп тора.
Әйтик, күптән түгел генә, төрле елларда авыл хуҗалыгының күп кенә тармакларында эшләгән, районыбыз үсешендә тырыш хезмәтен куйган, Сәпәй авылының хөрмәтле кешеләре - ветераннары район музеенда кунакта булып киттеләр. Махсус алар өчен музей экскурсоводы Гөлфия Мостафина экспонатлар буенча кызыклы сәяхәт үткәрде.
"Өлкән апа - агайларга биредә һәр экспонат таныш, күңелләренә якын. Чөнки алар тормышында көнкүреш әйберләре дә, тарихи елъязма вакыйгалары да роль уйнаган. Безнең кызыклы сәяхәтебездән соң, ветераннар бала чакларына, яшьлекләренә кайтып килгәндәй булдылар," - дип хәбәр итә музей экскурсоводы Гөлфия Мостафина.
Сәпәй авылы ветераннары авылның аяклы тарихы - төбәк белән кызыксынучы, Сәпәй авылының нәсел шәҗәрәсен өйрәнеп төзүчесе, авыл хуҗалыгы фәннәре кандидаты Мирфаяз Солтановка әлеге очрашуны оештырганы өчен олы рәхмәтләрен дә белдерделәр.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев