Азнакайда Халыкара балаларны яклау көне узды
Халыкара балаларны яклау көне шәһәребездә чараларга бай булды.
Бәйрәм Ишкәев исемендәге ял паркында “Азнакай сандугачы” фестиваленең гала-концерты белән башланып китте. “Азнакай йолдызлары” фестиваль-конкурсына һәм балалар арасында узган башка бәйгеләргә дә да йомгак ясалып, җиңүчеләр бүләкләнде.
Азнакайлыларны бәйрәм белән муниципаль район башлыгы Марсель Шәйдуллин тәбрикләде.
– Балалар – тормышыбызның мәгънәсе, бизәге. Гаиләләребез ныклы булсын, әти-әниләр бер-берсен хөрмәт итеп яшәсеннәр, балаларга дөрес тәрбия бирсеннәр. Балалар бәхетле булса, без дә бәхетле, алар безне һәрчак шатландырып торсыннар, – диде ул.
Шулай ук бу көнне балалар өчен кызыклы уеннар, бәйгеләр, мастер-класслар оештырылды, бушлай аттракционнар эшләде.
Шулай ук Актүбә бистәсендә, авыл җирлекләрендә дә бу бәйрәмне күңелле итеп билгеләп уздылар.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев