Азнакайда хатын-кыз депутатлар бәйге тотты
Бүген Мәдәни үзәктә “Мәрхәмәт-Милосердие” берләшмәсе депутат хатын-кызлары арасында беренче тапкыр “Мин – хатын-кыз!” район бәйгесе узды.
Анда Урманай авыл җирлеге башлыгы Эльмира Абдуллина, Әлкәй авыл җирлеге башлыгы Светлана Зиннурова, Югары Стәрле авылы җирлеге башлыгы Лилия Сабирҗанова, “Өмет” үзәгенең социаль хезмәткәре Гөлназ Идиятова, Сәпәй авылы мәдәният йортының сәнгать җитәкчесе Ләйсән Латыйпова, Чалпы мәктәбенең тарих һәм җәмгыять белеме укытучысы Рәмилә Рәкыйпова катнашты.
Конкурсантларны район башлыгы Марсель Шәйдуллин тәбрикләп, районыбыз үсешенә керткән лаеклы хезмәтләре өчен рәхмәтен җиткерде һәм алга таба да уңышлар теләде.
Әлеге бәйге район башлыгы урынбасары, “Мәрхәмәт-Милосердие” берләшмәсе җитәкчесе Роза Галеева инициативасы буенча оештырылган. Ул бәйгедә катнашырга теләк белдергән һәм аңа зур әзерлек белән килгән, үзләренең сәләтләрен төрле яклап ачкан барлык конкурсантларга рәхмәтен җиткерде.
Район башкарма комитеты җитәкчесе Айдар Шәмсетдинов гүзәл затларны якынлашып килүче бәйрәмнәре белән котлап, конкурсантларга бүләкләр тапшырды.
“Сез барыгыз да җиңүчеләр!” – диде ул.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев