Яшьләрнеке – яшьләрчә
Азнакай районы яшьләр эшләре һәм туризм идарәсенең хисап җыелышы узды.
Хисап җыелышында аның директоры Миләүшә Минһаҗеваның, «Алдынгылар хәрәкәте»нең җирле бүлеге җитәкчесе Розалина Гобәйдуллинаның узган ел йомгаклары һәм алга бурычлар буенча чыгышы тыңланды.
Яшьләрнеке – яшьләрчә. Аларның дәртләнеп, яңадан-яңа максатларга омтылып, үрләр яулар чагы. Идарә яшьләрне сәламәт яшәү рәвешенә тарту, аларны патриотик рухта тәрбияләү, милли гореф-гадәтләребезне саклау, яман гадәтләргә каршы көрәшү һәм башка изге эшләрне башкару юнәлешендә алып бара. Яшьләр үзәгендә бу максатларда бик күп төрле эшләр башкарылган.
Яшьләрнең хисап җыелышында район башлыгы Марсель Шәйдуллин да катнашты.
«Яңа идеяләр, планнар белән яшәгез, иҗат итегез, грантларда катнашыгыз, актив, һәрчак хәрәкәттә булыгыз! Ә без игелекле эшләрегезне тормышка ашыруда сезгә һәрчак ярдәм итәргә әзербез», – диде ул.
Соңыннан яшьләр лидерлары җитәкчелек белән бергә алда торган планнары һәм башка мәсьәләләр буенча дусларча эшлекле сөйләшү алып бардылар. Бүләкләнүләр – җыенның иң күңелле мизгелләре булды.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев