Азнакайның 5 нче урта мәктәбендә Парламент дәресе узды

Анда район башлыгы Марсель Шәйдуллин, мәгариф идарәсе җитәкчесе Зөлфия Гыйләҗева, шәһәр Советы депутатлары, әфган сугышы һәм махсус хәрби операция ветераннары да катнаштылар.

Патриотик темага багышланган дәресне тарих һәм җәмгыять белеме укытучысы Елена Гомәрова бик җанлы, кызыклы итеп алып барды. Укучылар «Нәрсә ул Ватанга хезмәт итү? Ватанга хезмәт итүнең нинди мисалларын беләсез? Моның өчен кешегә нинди сыйфатлар кирәк?» дигә сорауларга җаваплар эзләп, бу өлкәдә үзләренең тирән белемнәрен күрсәттеләр. Бу көнне парта артына утырган өлкәннәр дә үзләренә бик күп тарихи яңалыклар ачып, дистә еллар мәктәптә узган темаларны янә хәтерләрендә яңарта алдыдар.