Хәйләсен таптым

Чәйнекләремне газда калдырып, яраксызга әйләндергәч, уйлана калдым. Газга чәйнекне җылытырга гына куйсам да кухнядан чыгып китүгә, өйтерсең лә хәтер капкасын ябып куялар: онытам да куям. Уйлый торгач җаен таптым. Үземә җитәрлек кенә кечкенә, өр-яңа матур чәйнек сатып алдым. Яңа әйберне инде, билгеле, саклап тотарга тырышасың. Икенче адым итеп кухняга газета-журналлар чыгарып куйдым. Иң яратып укыганы – үзебезнең “Маяк” газетасы. Чәйнегем кайнап чыкканчы андагы яңалыклар белән танышам, киңәш-табышларын яратып укыйм. Озак та үтми чәйнегем кайнап та чыга. “Кәҗә дә исән, бүре дә тук”, – диләрме әле? Нәкъ шулай. Сезгә дә киңәш итәм. 

Автор: Алсу Габделхакова