Район башлыгы Марсель Шәйдуллин Азнакай мөселманнарын Ураза бәйрәме белән котлады
Хөрмәтле мөселманнарыбыз! Кадерле райондашлар!
Сезне зарыгып көтеп алган мөкатдәс Ураза гаете белән чын күңелдән котлыйм! Бу зур бәйрәмне һәрберебез күңелләребездәге зур рухлану хисләре белән каршылыйбыз. Рамазан аенда без уй-ниятләребезне бер-беребезгә рәхим-шәфкать күрсәтүгә һәм игелек кылуга юнәлттек. Мәхәббәт һәм киң күңеллелек чагылышы булган әлеге омтылышларны йөрәгебез түрендә һәрчак саклыйк.
Изге Ураза бәйрәме һәрберебез күңеленә иман нуры өстәсен, игелекле эшләргә һәм гамәлләргә әйдәсен, тормышыгызга – ямь, һәр йортка, һәр гаиләгә шатлык-куанычлар, бәрәкәт китерсен. Сезгә чын күңелдән рухи бердәмлек, матур тормыш һәм игелекле эшләрегездә зур уңышлар телим!
Марсель ШӘЙДУЛЛИН, Азнакай муниципаль районы башлыгы
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев