Иҗтимагый совет утырышы

Утырышны район Советы аппараты җитәкчесе Айдар Хәлиуллин ачып җибәрде. Ул үз чыгышында иҗтимагый совет әгъзаларының район тормышында башкарган җәмәгатьчелек эшчәнлегенең мөһим ролен ассызыклады.

Ижтимагый совет җитәкчесе Лилия Әхмәдишина 2024 ел дәвамында башкарылган эшләр белән таныштырды, 2025 елга куйган максатларны билгеләп үтте.

Иҗтимагый совет эшчәнлеге республикабызның Иҗтимагый палатасында да югары бәяләнә. Шулай ук утырыш барышында мәгариф һәм сәламәтлек өлкәсе, рухи-әхлакый тәрбия, туган төбәгебез тарихы буенча актуаль мәсьәләләр тикшерелде. Экология, дин, милләтара мөнәсәбәт мәсьәләләре буенча эшчәнлекне дәвам итү, районыбыз авылларында һәм Актүбә бистәсендә очрашулар оештыру, гражданнар җыеннарында катнашу бурычлары куелды.