Азнакайда яшәп иҗат итүче шагыйрә Айгөл Вәлиуллина “Болгар” радиосы премиясенә лаек булды
2022 ел нәтиҗәләре буенча райондашыбыз Айгөл Вәлиуллина сүзләренә иҗат ителгән дүрт җыр “Болгар” радиосы премиясенә лаек булды.
“Минем өчен куанычлы, шул ук вакытны дулкынландыргыч мизгелләр бүләк иткән “Болгар” радиосына, җырчыларыма, көй авторларыма, милләтемә, халкыма чиксез рәхмәтләремне белдерәм! Тәннәребез сихәтле, күңелләр, илләр тыныч булып, үз юлыбыз белән алга атларга, иҗат ялкынында дөрләргә язсын”, - дип шатлыгы белән уртаклаша шагыйрә.
Шунысын да билгеләп узарга кирәк, әлеге премиягә ия булган иң күп җыр сүзләре авторы да Айгөл Вәлиуллина!
Айгөлне ихластан котлыйбыз һәм яңа иҗат уңышлары телибез.
Следите за самым важным и интересным в Telegram-каналеТатмедиа
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев