Ватаныбыз чикләре имин булсын!

Атна дәвамында теләк белдерүчеләр килә – алар, медицина комиссиясен үтеп, кирәкле документларны җыеп, контракт төзиләр һәм чын хәрби хезмәткәрләр булалар.

Яңалыклардан шуны әйтергә кирәк: быел июль азагына хәтле Татарстанда контракт төзегән өчен түләнә торган акча суммасы шактый арткан – аны 1 300 000 сум тәшкил итә.

Казан милли тикшеренү технология университетының хәрби кафедрасында запас офицеры булып торучы райондашыбыз читтә кала алмаган – Азнакай шәһәре һәм районы хәрби комиссары Руфат Гайнетдиновтан мобилизацияләү кеше резервында булу турында контракт төзүне белешкән. Мобилизацияләү кеше резервы ул – мобилизацияләү кеше резервында булу турында контрактны тиешле тәртиптә төзегән запастагы гражданнар. Ул резервка офицерлар, прапорщиклар, сержантлар, солдатлар керә ала. Беренче контракт, мәсәлән, өч елга төзелә.

• Ил иминлеге өчен көрәшкә читтән карап утырырга ярамый кулга корал тотып, махсус хәрби операция зонасына бару зарур. Ватаныбыз чикләре имин булсын! – ди Руфат Гайнетдинов.

Хәрби хезмәткә контракт төзергә теләгән гражданнар хәрби комиссариатка 7-30-03 телефоны яисә Азнакай шәһәре, Солтангалиев урамы, 4 А йорт адресы буенча мөрәҗәгать итә алалар.