Татарстанлыларны 7 гыйнварда һава торышы начар булу сәбәпле юлларда чикләүләр булу ихтималы турында кисәттеләр
Татарстан Дәүләт автоинспекциясе машина йөртүчеләрне 7 гыйнварда һава шартларының кискен начараюы турында кисәтте.
Ведомство мәгълүматлары буенча, төбәктә көчле кар яву һәм җил тизлеге 14 м/с кадәр булган буран фаразлана.юлларда бозлавык һәм кар көртләре булуы ихтимал.
Начар фаразлар аркасында трассаларның аерым участоклары вакытлыча ябылырга, шулай ук транспорт хәрәкәтенә чикләүләр кертелергә мөмкин.
Дәүләт автоинспекциясе республика халкына мөмкин булганча торак пунктлардан читтә йөрүдән баш тартырга һәм 12.00 сәгатьтән 22.00 сәгатькә кадәр юлга чыкмаска киңәш итә. Машина йөртүчеләргә шулай ук буран аркасында күрүчәнлекнең кискен начарлану куркынычын исәпкә алырга киңәш итәләр.
Куркынычсызлыкны тәэмин итү һәм катлаулы участокларда оператив җавап бирү өчен өстәмә юл-патруль хезмәте нарядлары кизү торачак.
Ведомствода саклык чараларын үтәргә һәм, әгәр алар тормыш өчен кирәк булмаса, сәфәрләрдән баш тартырга чакырдылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!
Нет комментариев