Сливадан аджика ясыйбыз

Аннан кайнатма гына ясап була дип уйласагыз, ялгышасыз. Сливадан ит ризыклары янына бик тәмле аджика әзерләп карагыз әле. Аджика өчен 2 кг слива, 200 гр сарымсак, 3 ачы борыч, 4 аш кашыгы томат пастасы, 2 аш кашыгы тоз, 4 аш кашыгы шикәр комы кирәк булачак.  Төшләреннән арындырылган сливаны, сарымсакны, ачы борычны иттарткыч аша чыгарабыз да барысын бергә кәстрүлгә салабыз. Әлеге массага тоз, шикәр комы, томат пастасы өстибез дә газга куябыз. Кайнап чыккач, сүрән утта 20-25 минут пешерәбез. Кайнар аджиканы банкаларга тутырабыз, капкач белән ябабыз.

Айгөл ХӘМИДУЛЛИНА