Россия көне уңаеннан нинди бәйрәм чаралары узачак?

Россия көне уңаеннан халык өч көн - 10, 11, һәм 12 июньдә ял итәчәк. Бәйрәм көнне - 12 июньдә - азнакайлылар, рәхәтләнеп, бәйрәм чараларында күңел ача ала.

Программада:

- Җиңү паркында "Мин яратам сине, Россия" чарасы - 10.00 сәгатьтә;

- Яшьләр паркында асфальтта рәсем бәйгесе, "Туган илем - Россия" квест-уены уздырыла - 14.00 сәгатьтә;

- Гаилә паркында район үзешчәннәре катнашында "Җырлыйм сиңа, Россия" бәйрәм концерты - 18.00 сәгатьтә.

Актүбәдә бәйрәм концерты 12 июньдә 18.00 сәгатьтә Татарстан нефтенең 70 еллыгы паркында узачак.

Бу көнне шулай ук Азнакай туган якны өйрәнү музее да эшләячәк.