Бергәләп - күңеллерәк

Азнакай муниципаль районындагы "Өмет" халыкка социаль хезмәт күрсәтү үзәге Ишкәев исемендәге ял паркында балалар өчен "Күңелле спортландия" дигән чара үткәрде.
Балалар төрле уеннарда җитезлеккә, тапкырлыкка, осталыкка көч сынашты, сәләтләрен ачтылар. Викторина өлешендә сорауны биреп бетергәнче үк җаваплар яңгырады. Уеннарда катнашучыларга призлар бирелде. Аннан балалар өлкәннәр белән бергәләп биеде, зур башмаклар киеп узышты, чәч үрүдә ярышты.
Бергәләп күңел ачудан да рәхәте юк икән! Әти-әниләр дә, балалар да моңа тагын бер кат инанды, бер-берсенә тагын да якынайды.