Азнакай прокуратурасы хәбәр итә. Интернетта законсыз мәгълүмат урнаштырылган

Азнакай шәһәр прокуратурасы тарафыннан алкоголь продукциясен сату өлкәсендә "Интернет" челтәрендә мәгълүматлар урнаштырганда Федераль Закон таләпләренең сакланышы тикшерелде. Тикшерү барышында Интернет челтәрендә алкоголь продукциясен сату турындагы (шул исәптән төнге чорда да ) сайтлар ачыкланды. Закон буенча бу рөхсәт ителми. Моннан кала, Интернет челтәрендә мондый мәгълүмат бирү алкогольне балигъ булмаганнарга, төнлә һәм тиешле документларсыз сату очракларына китерергә мөмкин. Прокурор тикшерүләре нәтиҗәләре буенча Интернет челтәрендәге мәгълүматның законсыз булуы турында судка гариза җибәрелде. Ул Азнакай шәһәр судында каралып, канәгатьләндерелде.

Азнакай шәһәр прокуратурасы