Сак булыгыз, алдарлар!

Башкалар хисабына ансат кына баерга теләүчеләр алдауның нинди генә юлларын уйлап тапмыйлар! Әгәр сезнең өйгә Пенсия фондыннан дип килеп керсәләр һәм пенсиянең җыелма өлешен теге яки бу дәүләтнеке булмаган пенсия фондына күчерергә тәкъдим итсәләр, ышана күрмәгез.

Россия Пенсия фонды идарәсенең Татарстан бүлекчәсе хәбәр итүенчә, Дәүләт пенсия фонды хезмәткәрләре кешеләрнең өйләренә йөрмиләр һәм мондый эш белән шөгыльләнмиләр. Гражданнар бары идарәдә кабул ителә. Һәр хезмәткәрнең таныклыгы бар һәм аны кеше сораганда күрсәтергә тиешләр. Һич югы 8-800-510-5555, 843-279-27-27 телефоннары буенча кайнар линиягә шалтыратып белешә аласыз.