ЮХИДИ хезмәткәрләре “ау”га чыкты

Транспорт чараларын йөртүчеләрнең кагыйдә үтәвен һәрдаим контрольдә тоту - һәлакәтләрне киметүнең бер юлы. Узган атнада ЮХИДИ хезмәткәрләре массакүләм мәгълумат чаралары хезмәткәрләре белән берлектә рейдка чыктылар. Рейд барышында куркынычсызлык каешын эләктермәгән өчен 8, ОСАГО страховкасы булмаган өчен - 2, каршы як полосага чыккан өчен - 2, җәяүлегә юл бирмәгән өчен -5, автомобиль белән документсыз идарә иткән өчен 3 машина йөртүчегә беркетмә төзелде. Исерек хәлдә руль артына утырган шоферга исә җәзаны суд бирергә тиеш. Юл кагыйдәләрен санга сукмаучылар арасында җәүлеләр дә бар. Бу көнне өч кеше административ җаваплылыкка тартылды.