Тормыштан ямь табып

Үзебезнең шушы җирлектә гомер иткән, фидакарь хезмәт куйган өлкән яшьтәге райондашларны юбилейлары, туган көннәре уңаеннан өйләренә барып котлауны район җитәкчелеге матур традициягә әверелдерде. Шушы араларда гына 101 яшь тулуын билгеләп үткән Сарлы авылында яшәүче Бибимәфтуха апа Усманованы да муниципаль район башлыгы Марсель Шәйдуллин җитәкчелегендә делегация туган көне белән тәбрикләп кайтты. Шундый олы яшькә җитүенә карамастан, Бибимәфтуха апа үзен яхшы хис итә, ил-көннәргә иминлек, бәрәкәт теләп, балалары, оныклары тәрбиясендә тормышыннан канәгать булып, матур гына яшәп ятуы.