Сугыш ветераны Минненаҗия НАСЫЙРОВА: "Безнең Азнакай җитәкчеләре игелекле"

Үз гомеремдә күпме җитәкчеләрне күрдем, әмма иң яхшысы Марсель Шәйдуллин. Өлкән яшьтәгеләргә аеруча игътибарлы һәм ярдәмчел. Нинди генә гозер белән керсәң дә, ярдәм итми калмый.

Без - ПАТП ветераннары, "Фривей" җәмгыяте җитәкчесе Шәйхелисламов Рамил Рәис улына да бик рәхмәтлебез. Ел саен төрле экскурсияләргә барабыз, безнең өчен шашка-шахмат ярышлары уза, чәй табыннары әзерләп кунакка чакыралар, кирәк чакта ярдәм итәләр. Хәзер безнең шундый чорыбыз бер җылы сүздән дә күңел була, юктан гына да хәтер кала. Әле менә өлкәннәр көне уңаеннан да бик матур кичә булды. 261 ветеран исеменнән олы рәхмәтләребезне белдерәбез.

Минненаҗия НАСЫЙРОВА, сугыш ветераны,

район ветераннар советы әгъзасы.