Стәрле Елга урамында биеп тә куйдылар! ФОТОРЕПОРТАЖ.

Бүген Азнакай шәһәренең Монолит микрорайонда Стәрле Елга урамы бәйрәме узды. 4 нче территориаль иҗтимагый үзидарә рәисе Нурия Хаҗипова шушы тирәдә яшәүче өлкәннәргә әнә шундый хөрмәт күрсәтте. Аларны район һәм шәһәр башкарма комитетлары җитәкчеләре Айдар Шәмсетдинов һәм Марат Солтанов тәбрикләп, мондый бәйрәмнәрнең үзара аралашу, көндәлек тормышта туган сорауларны ачыклау өчен уңайлы чара булуларын билгеләп уздылар. Көн салкын булуга карамастан, Мәдәни үзәк хезмәткәрләренең дәртле җырлары астында биеп, үзләре алып килгән тәмле ризыклар белән самовардан кайнар чәй эчеп, рәхәтләнеп ял итте халык.

Биредә «Маяк» газетасына язылу да оештырылды.