“Маяк”лылар рәхмәт белдерә

Узган җомга көнне бөтен район бер булып газетабызның 85 еллык юбилеен билгеләп үттек. Без - "Маяк" коллективы, үзебезнең яктан укучыларыбызга, ягъни барлык кала һәм район халкына төрледән-төрле чаралар әзерләсәк, азнакайлылар да безне көтелмәгән бихисап куанычлы сюрпризлар белән шаккаттырдылар. Димәк, без - бербөтен, бер гаилә. Бәйрәмебезгә килгән барлык кунаклар да моның шулай икәнлегенә инанып киттеләр. "Маяк" газетасын, коллективыбызны шулай хөрмәтләвегез, яратуыгыз өчен барчагызга да зур рәхмәт! Киләчәктә дә бергә булып, район басмасының 90,100 еллык һәм башка юбилейларын да уздырырга язсын. Шулай ук безгә тугры калып, "Маяк" ка язылган һәр укучыбызга да ихлас рәхмәтебезне җиткерәбез.

Хөрмәт белән: "Маяк"лылар