Азнакайлылар, “Сәламәтлек – 2016” спартакиадасында алдынгы урыннар алдылар

Район үзәк сырхауханәсе коллективы иҗтимагый актив тормыш белән яши. Алар спорт ярышларында, үзешчән сәнгатьтә, өмәләрдә, гомумән, һәр чарада башлап йөрүчеләр, иң беренчеләрдән булып катнашучылар. Әле шушы көннәрдә генә Чистай шәһәрендә үткән сәламәтлек саклау өлкәсе хезмәткәрләренең "Сәламәтлек - 2016" спартакиадасының икенче этабында Азнакайның шәфкать ияләре командасы барлык төр ярышларда да катнашып, хатын-кызлар командасы волейбол буенча беренче, бадминтонда икенче, җиңел атлетикада өченче, ир-егетләребез теннис бәйгесендә өченче урыннарны яуладылар.