Азнакайлылар кәрәзле телефонсыз бер көн яшәп карадылар

Бүгенге тормышыбызны кәрәзле элемтәдән башка күз алдына да китереп булмый. Әмма аның файдасы белән бергә начар яклары да бар. Үсеп килүче буында телефонга артык бәйлелек күзәтелә. Яшьләр үзәге хезмәткәрләре тарафыннан үткәрелгән «Мобильниксыз бер көн» акциясе шушы «чирдән» котылырга ярдәм итүне күздә тоткан. Алар урамда узып баручы азнакайлыларга кәрәзле элемтәдән бер генә көн булса да файдаланмаска яки куллануы чикләргә киңәш итеп мөрәҗәгать иткәннәр. Бу акция безне заманча технологияләр аралашу юлларын ни дәрәҗәдә үзгәртүе хакында уйландыра.