Азнакайда җәйге каникуллар оешкан төстә уза

Районда балаларның җәйге ялы оешкан төстә дәвам итә. «Кояшкай» лагеры кичә өченче семенасын кабул итте. Аңа кадәр ике сменада 146 бала ял иткән иде, тагын 75 бала урман эчендә саф һавада яңа уку елына көч туплап кайтачак. Шулай ук "Березка" һәм "Орленок" лагерьларында да өченче смена башланды. Июнь азагында туризм белән шөгыльләнүче балалар Көньяк Уралга сәяхәт кылды. Тымытык авылы янында Ык буенда парапланеристлар өчен "Патриот" лагеры да икенче сменага балалар кабул итәргә әзер. Ә август башында "Парус" базасында спорт-туризм юнәлешендә палаткалы лагерь эшләячәк.