Азнакай умартачыларына бар шартлар да тудырылган

Быел бал күп булды. Азнакай умартачылары бал җитештерү буенча Республикада беренче урында бара, сыйфаты буенча да алдынгылар рәтендә.

- Бер умартага якынча 55 кг бал җитештерелде. Аның 30 кг.сы товарлыклы бал, ә 25 кг. кышка калдырыла, - ди умартачылык буенча район инспекторы Әдип Һадиев. - Бал җитештерү һәм сату өчен дә районда бар уңайлыклар да бар. Шуңа да корт оялары арта тора. Умартачылык өчен кирәк-яраклар, җиһазлар, бал сату өчен махсус кибетебез эшли башлады, ярминкәләр гөрли. Хәзер умарталарны кышка әзерләү эшләре бара. Умарталарны тышта - салкында саклау ысулы яхшы нәтиҗәләр бирде. Быел да шул ысулны дәвам итәчәкбез.