Ана капиталы суммасы үзгәрәме?

Киләсе елдан ана капиталы бетә икән дип ишеттем, бу хәбәр дөресме?

Камилә Әдиятуллина, Әлмәт.

Ана капиталының бетереләчәге турында мәгълүмат юк. Ә менә РИА «Новости» белдергәнчә, Россия­нең хезмәт һәм социаль яклау министры Максим Топилин 2017 елда ана капиталы суммасы үзгәрми, шул килеш кала, дигән. Дөрес, ана капиталының индексацияләнмәве турындагы карар әлегә кабул ителмәгән, әлеге мәсьәлә хакында килешү бара. Закон октябрь азагында кабул ителәчәк. 2016 елда ана капиталы 453 мең 26 сум тәшкил итте. Әлеге программа 2018 елга кадәр озайтылды, дип яза shahrikazan.com