Азнакайлылар спорт туризмында да сынатмый

16-18 декабрь көннәрендә башкалабыз Казанда укучылар арасында спорт туризмы буенча "Залинг-2016" бәйгесе үтте. ТР Беренчелегендә республиканың район-шәһәрләреннән һәм Ижевск, Чайковск (Удмуртия), Мари-Элдан барлыгы 350 укучы катнашты.

Бу мәртәбәле бәйгедә безнең районнан төрле яшь категориясендә дүрт команда чыгыш ясады.

Беренче көнне укучылар шәхси беренчелектә көч сынашты, аларның нәтиҗәләре буенча командаларга урыннар билгеләнде. 20 команда арасыннан Азнакайның зурлар һәм урта яшь төркемендәге укучылар 12нче булды.

- Мондый ярышларда катнашу безгә туристлык белемнәребезне тагын да камилләштерү өчен зур мөмкинлек бирде. Биредә үзебез өчен бик күп яңалыклар ачтык, - ди тренер Владимир Соколов.

Таңсылу Саниева