Азнакайда Чик сакчылары көне уңаеннан футбол уйнадылар

Әлеге ярышлар Чик сакчылары көне уңаеннан оештырылды.

Турнирда шәһәрнең 1 нче, 2 нче, 3 нче, 4 нче, 6 нчы, 7 нче, 8 нче мәктәпләре һәм гимназия, Тымытык, Кәкре Елга, Җиңү бистәсе, Урсай авыллары командалары катнашты.

Киеренке көрәштә беренче урынга шәһәрнең 1 нче мәктәбе егетләре чыкты. Икенче мәктәп командасы көмеш медальләр яулады. Өченче урында – 7 нче мәктәп укучылары.

Альмир Шәйдуллин – “Иң яхшы һөҗүмче” (2 нче мәктәп), Булат Шаһиев – “Иң яхшы сакчы” (7 нче мәктәп), Салават Хәбибуллин – “Иң яхшы капкачы” (4 нче лицей),  Арсен Восканян “Иң яхшы бомбардир” (1 нче мәктәп) булып танылды.