Азнакайның акробат кызлары бөтенроссия ярышларыннан 9 медаль яулап кайтты

“Крылья неба” исеме астында узучы әлеге ярышларда Уфа, Мәскәү, Стәрлетамак, Яр Чаллы, Чиләбе, Оренбург, Копейск, Көньяк Урал, Шадринск, Ижауданевскидан 240 спортчы катнашты. Алар арасында азнакайлылар да бар иде.

Ярышларда алар үзләренең осталыкларын күрсәтеп, югары нәтиҗәләргә ирештеләр.

Турнирда Рәлия Гәрәева, Таира Тимирова, Злата Закирова, София Закирова, Камилә Кәрамуллина,  Сафия Кәримов алтын медальләр яулады.

Элиза Потапова һәм Ләйлә Ибраһимова пьедесталның икенче баскычына күтәрелде.

Залина Шәрәфиева һәм Элина Ракаева өченче булдылар.

Яшь акробатлар тренер Алина Варламова кул астында шөгыльләнәләр.

Подпишитесь на Telegram- канал газеты «Маяк», а так же читайте нас в «Дзен» и всегда оставайтесь в курсе новостей района!