Азнакайда волейбол буенча турнир үтте

Шәһәр башкарма комитеты җитәкчесе Эльвир Габдрахманов дусларының якты истәлегенә шундый турнирлар уздырган спортчыларга олы рәхмәтен белдерде һәм уңышлар теләде.

Бәйге киеренке шартларда барды. Ветераннарда — тәҗрибә, яшьләрдә — көч.

«Туйкә» командасы — беренче, «Ветераннар» — икенче, «Актүбә» командасы өченче урынга лаек булды. 

Спортчылар әнә шулай үз араларыннан киткән иң лаеклы ир-егетләрнең якты истәлеген эш-гамәлләрендә дә яшәтә беләләр. Чын дуслык шулай буладыр ул.

— Абыебыз Нәсим Гәрәйшинның игелекле эшләре белән горурланабыз, һәр ел саен менә шундый турнирлар оештырган спортчыларга, аеруча «Ветераннар» командасына, оештыру эшләренең үзәгендә кайнаган Ирек Газизуллинга рәхмәтлебез, — диде Нәсимә Гәрәйшина.