Азнакайда Кыш бабай призына көрәш ярышы үтте

Анда район-шәһәр мәктәпләреннән 107 спортчы бил алышты.
Спортчыларны район башлыгы Марсель Шәйдуллин да тәбрикләп, егет-кызларга, аларны әзерләгән тренерлар һәм физкультура укытучыларына рәхмәт сүзләрен җиткерде.
Киеренке көрәштә кызлар арасында  үз авырлык категорияләрендә Ульяна Козлова, Азалия Сафина, Азалия Галимова, Лилия Мөхәммәтшина алтын медальләр яуладылар.

2014 елгы һәм аннан кечерәк яшүсмерләр арасында Айгиз Абдуллин, Риназ Әюпов, Радмир Абдуллин, Җәмил Шәйхетдинов алтын медаль яулады.
2010-2013 елгылар арасында Азамат Баһаветдинов, Вилдан Галиев, Рифат Миңнегалиев, Айзат Исламов, Солтан Закиров, Илдан Хәбипов, Ранил Хаҗиев, Әмирхан Сәгытдинов, Азамат Мамалимов җиңү яулады.
2005-2008 елгы яшүсмерләр арасында Салават Шәйхулов, Ранил Хурамшин, Алмаз Гәрәев, Аслан Закиров, Данияр Садыйков, Ислам Закиров җиңүче булдылар.

Турнирда Аслан Закиров - "Иң яхшы техника өчен", Кәрим Йосыпов - "Иң яшь катнашучы", Нәзим Сафин "Җиңүгә омтылыш өчен" номинациясендә бүләкләнделәр.
Команда беренчелегендә 9 нчы мәктәп егетләре җиңү яуладылар. 7 нче мәктәп спортчылары - икенче, Тымытык һәм 3 нче мәктәп көрәшчеләре өченче урынны алдылар.
Көрәшчеләр яулаган урыннар буенча иң яхшы тренерлар да билгеләп үтелде. Беренче урынга - Айрат Миңнегалиев, икенче урынга Илфак Закиров, өченче урынга Артур Миңнеханов лаек булды.