Яшь биюче Ләйлә Ибраһимова Азнакай данын еракларга таныта

Азнакайда иң сәләтле балалар яши дисәң, һич арттыру булмас.

Әледән-әле төрле бәйгеләрдә яулаган җиңүләре моны ачык дәлилли. Гимназиянең 4 нче сыйныфында укучы Ләйлә Ибраһимованы да районыбызда гына түгел, республикада һәм тирә-як өлкәләрдә оста биюче буларак таный башладылар.

Ул 3 яшеннән бирле Балалар иҗат үзәгендә Фәйрүзә Кадырмаева төркемендә хореография белән шөгыльләнә, бик күп конкурсларда, райондагы бәйрәм чараларында актив катнаша.

Әле менә күптән түгел Самара шәһәрендә узган "Бию иле" ("Страна танца") халыкара фестиваль-конкурсында беренче дәрәҗә диплом белән бүләкләнгән.

Октябрь азагында Казаннан "Исәнме, Россия!" ("Здравствуй, Россия!") халыкара бәйгедән дә өченче дәрәрәҗә лауреат булып кайткан.