Вареньедан тиз генә пешереп алырга пирог

Бу пирогны пешерү өчен 1 йомырка, 1 йомырка сарысы, 100 гр шикәр комы, 180 гр акмай, 1 чәй калагы камыр көпшәкләндергеч (разрыхлитель), 350 гр чамасы он кирәк. Печенье камырына охшаш камыр килеп чыга. Камырның биштән бер өлешен бизәү өчен калдырабыз да, калганын табага җәябез. Өстенә варенье сылыйбыз. Мин кышка катырылган җиләк салдым. Өстен үзебез теләгәнчә бизәп, духовкага тыгабыз. 45 минутлар чамасы пешә. Чәйләрегез тәмле булсын!

Автор фотосы