Балалар яраткан пирог

3 стакан онны 150 грамм эретелгән ак май белән болгатып, 1 йомырка, 100 мл каймак (кефир да ярый), 1,5 стакан шикәр комы, 1 пакет разрыхлитель, 1 пакет ванильле шикәр комы кушып камыр басам да, 1 сәгатькә суыткычка куеп торам. Аннан алып, майланган табага җәям, өстенә кура җиләге, бакча җиләге, урман җиләге... – кайсы бар, шунсын тезәм. 200 градуслы мичтә ярты сәгать пешереп алам да, бераз суынгач, пирог өстенә шикәр комы сибәм.

Назилә Гәрәева, Азнакай шәһәре