Азнакайлыларга Тәския Вәгыйзовадан кызыл катык рецепты

Кирәк:
3 литр сөт,
300 грамм оеткы,
зур булмаган чөгендернең яртысы.

Чөгендерне алдан ук пешереп куярга һәм бармак калынлыгы чамасы кисәкләргә турарга кирәк. Сөтне 20-30 минут кайнатабыз. Ул суына төшкәч (40 ° тирәсе ), кәстрүл төбенә туралган чөгендерне салып, өстенә сөтне коябыз. Шуңа оеткы салып, яхшылап болгатабыз да, кәстрүлне тастымал белән төреп, җылырак урынга алып куябыз.

4 - 5 сәгатьтән алсу төстәге куе катык әзер була.

Кызыл катыкны чия белән дә эшләп була. Чияне, төшләрен алып,чәнечке белән изгәләргә генә кирәк.