Азнакайлылар, җиләк чоры бит, пирогын пешерик!

Пирог өчен камыр: 200 грамм атланмай, 1 йомырка, 150-200 грамм шикәр комы, 10 грамм камыр көпшәкләндергеч, он.

Эчлек өчен: теләсә - кайсы җиләге, кибет каймагы һәм шикәр комы.

Атланмайны бүлмә температурасында йомшартырга, калган ингредиентларны салып камыр басарга кирәк. Камыр әзер булгач суыткычка куеп торырга.

Эчлеккә нинди җимеш саласыгыз килә – шуны саласыз, иң тәмлесе – яңа өзеп алынганы булачак. Камырны майланган табага җәеп, кырыйларын күтәртеп ясарга. Җиләкләрен тезәргә дә духовкага озатырга. Якынча 40 мин пешә, пирог пешеп чыккач, өстенә кибет каймагы белән шикәр комы болгатылган массаны сыларга. Һай, тәмле»!..