Азнакайлылар өчен ялларга гранатлы браслет салаты

Салат өчен 2 чөгендер, 2 йомырка, 1 ысланган тавык түше, 150 грамм каты сыр, 1 гранат, 3-4 тырнак сарымсак, бераз укроп, кирәгенчә майонез, 1 баш суган, 150 грамм кореяча кишер кирәк.

Чөгендерне эре угычтан, йомырканы, сырны ваграктан чыгарырга, тавык түшен, суганны вак итеп турарга. Сарымакны угычтан чыгарып, майонез белән бутыйбыз. Тигез тәлинкә уртасына стакан куеп, янәшәсенә әйләнәли шушы әзер ризыкларны катлап, майонез белән аралаштырып өябез. Иң өске катларга йомырка сарысын, чөгендерне түшәп, майонезлап бетергәч, стаканны алабыз. Салат өстенә гранат төшләрен, укроп сибәбез. Тәмле булсын!