Азнакай хуҗабикәләренә самса рецепты

Камырдагы катнашмаларның әзлеге шикләндергән иде, юкка булган икән, бик тәмле килеп чыкты.

Камыр: 400 гр он, 200 гр су, ярты чәй калагы тоз. Токмач камырыннан чак кына йомшаграк камыр басасың һәм 30 минутка суыткычка куясың. Аннан алып 4 кисәккә бүләсең, һәрберсен юка итеп җәясең һәм өсләрен эретелгән ак май белән майлап, берсе өстенә берсен тезәсең дә рулет кебек төрәсең. Аннан вак кисәкләргә бүлеп, тагын җәеп чыгасың.

Эчелек: 200 гр вак итеп туралган тавыкның ак ите, 1 баш суган, тоз, борыч, мин сыек май салып, камыр өлгергәнче бутап куйдым.

Әзер җәймәләргә эчлек салып, өчпочмаклап бөгәсең дә, бөгелгән ягы белән табага тезеп, өстенә йомырка сарысы сөртеп, 200 градус кызулыктагы мичтә пешерәсең.