Азнакай хуҗабикәләренә Мәрьям Миннегуловадан рецепт: духовкада бавырсак (ФОТО)

5 йомырканы миксер белән күперттем, шуңа 1 аш калагы көнбагыш мае, чәй калагы очына эләктереп кенә чәй содасы (уксус белән сүндердем) куштым. Миксерны сүндереп, ипләп кенә иләнгән он салып болгаттым. Камыр бик каты да, артык җәелеп тә китәрлек булмасын. 20 минут ял иттердем. Камырдан баулар тәгәрәтеп кистем дә, майлы табага куеп бардым, бавырсаклар өстенә җылы май агыздым да духовкага тыктым. Ишеген берара ачып болгатып алдым. Пешеп җиткәч алдым.

Тәмле булсын! Сезне яратып, Мәрьям.